Leys størv

Dugir tú at gera tað fløkjasliga einfalt?
Vit leita eftir einum dugnaligum UX sniðgeva, sum vil vera partur av einum spennandi og mennandi umhvørvi á Formula.

Um starvið

Sum UX sniðgevi fært tú eitt fjølbroytt starv, har tú arbeiðir við:

• Greining av tørvi hjá kundum og brúkarum

• Sniðgeving av brúkaravinarligum loysnunum

• Sniðgeving av nýtslumarkamótum (user interfaces), har góð brúkarauppliving er í miðdeplinum

Tú verður brúgvin millum brúkarar og mennarar, og tí er neyðugt, at tú dugir væl at samskifta og hevur gott innlit í møguleikar og avmarkingar í tøknini.

Tínir førleikar

Vit ímynda okkum, at tú:

• Hevur útbúgving innan interaction design, digital design, IT product design ella líknandi

• Kennir til standardir innan brúkbæri (usability)

• Hevur royndir við greining og sniðgeving – í minsta lagi frá útbúgvingini

• Dugir at nýta amboð sum Figma ella líknandi

• Hevur vitan um HTML/CSS og XAML (ein fyrimunur, men ikki krav)

Umhvørvið á Formula

Vit leggja stóran dent á trivnað og fakliga menning:

• Javnan skipa vit fyri tiltøkum, sum styrkja samanhaldið

• Miðal starvsaldurin hjá okkum er 12 ár – eitt prógv um gott arbeiðsumhvørvi

• Vit bjóða viðkomandi eftirútbúgving og kappingarføra løn, ásett eftir royndum og útbúgving

Starvið verður sett skjótast gjørligt – men vit bíða fegin eftir rætta viðkomandi.

Umsókn

Send umsókn, lívsrensl (CV) og viðkomandi skjøl í seinasta lagi sunnudagin 25. januar 2026.

Vinarliga viðfest dømi frá verkætlanum, har tú hevur havt ábyrgd av greining og sniðgeving.

Trýst á “Søk nú” knøttin fyri at byrja.

Nærri upplýsingar fært tú frá:

• Robert Gutke, UX-sniðgeva, tlf. 344093

• Gert Joensen, deildarleiðara, tlf. 344098

Allar umsóknir verða viðgjørdar í trúnaði.

Stutt um Formula

Formula er óivað fremsti heildarveitari av kunningartøkni til stovnar, kommunur og fyritøkur í Føroyum. Formula veitir lokalar loysnir við altjóða góðsku. Okkara loysnir verða brúktar í øllum vinnugreinum, bæði í Føroyum og uttanlands. Vit vita, at vitan tryggjar besta úrslitið. Vit liva av vitan og raðfesta vitan fremst av øllum. Okkara starvsfólk hava dagførda útbúgving á altjóða støði, og alt okkara virksemi er skipað í serdeildir.

Á Formula starvast umleið 100 fólk, og vit hava deildir í Tórshavn, Runavík og Klaksvík. Afturat hesum hava vit hølir í Keypmannahavn. Formula er eitt fíggjarliga trygt virki við høgari eginfígging, og vit eftirmeta áhaldandi okkara virksemi, bæði umvegis búskaparligum úrslitum og starvsfólka- og kundanøgdsemiskanningum.

Ynskir tú at royna tað ástøðiliga í verki? Vit á Formula bjóða lesandi møguleikaneitt at gerast partur av einum framfýsnari KT-fyritøku, har tú fært veruligar uppgávur og veruliga ábyrgd.

Hvat bjóða vit tær?

• Eitt praktiskt læruumhvørvi, har tú fært møguleika at brúka tína ástøðiliga vitan í veruligum verkætlanum innan ritbúnaðarmenning og/ella KT-infrakervi

• Góða vegleiðing frá royndum starvsfeløgum, sum vilja síggja teg eydnast

• Veruligar avbjóðingar og uppgávur, sum geva tær førleikar, tú kanst taka við tær víðari í lesnaðinum og arbeiðslívinum

• Eitt arbeiðspláss við góðum arbeiðsumstøðum og einari sterkari læringsmentan, har tín rødd og títt íkast verður virðismett

Hvat vænta vit av tær?

• At tú ert lesandi innan eitt viðkomandi øki sum KT, verkfrøði ella líknandi

• At tú hevur eitt huga og ágrýtni at læra og at royna teg

• At tú dugir at arbeiða sjálvstøðugt, men eisini í toymum

Hví søkja?
Hetta er tín møguleiki at gerast partur av einum innovativum og lívligum arbeiðsplássi, har vit vilja hjálpa tær at mennast sum fakfólk. Tú kemur ikki bert at læra – tú kemur eisini at gera mun!

Ert tú klár/ur at taka av avbjóðingini? So send okkum tína umsókn og eitt CV við prógvum og støðumetum. Vit gleða okkum at hoyra frá tær!

Formula – vit menna loysnir, mennandi starvsfólk og framtíðar møguleikar.

Formula hevur javnan brúk fyri nýggjum starvsfólkum. Tí eru vit altíð áhugað í at frætta frá fólki, sum kundi hugsað sær at starvast hjá okkum.

Tú ert vælkomin at senda okkum eina umsókn har tú greiðir frá hvør tú ert, tínum royndum og møguligari útbúgving, og hví tú vilt arbeiða á Formula.

Send okkum umsókn, lívsrensl (CV) og viðkomandi prógv, so hoyrir tú aftur frá okkum.

Umsóknin verður goymd í 6 mánaðir.